Su-30 qırıcı təyyarəsi təlim zamanı meşəlik əraziyə düşdü

Rusiyanın Hərbi Hava Qüvvələrinə məxsus Su-30 qırıcı təyyarəsi qəzaya uğrayıb. Avtosfer.az yerli KİV-ə istinadən xəbər verir ki, hadisə sentyabrın 22-də Tver əyalətinin Dornikovo kəndində baş verib.

Məlumata görə, təyyarə təlim uçuşu həyata keçirərkən meşəlik əraziyə düşüb. Qəza zamanı ekipaj katapult edə bilib.

Bildirilir ki, qırıcının düşdüyü yerdə dağıntılar qeydə alınmayıb.

Hadisənin baş vermə səbəbləri araşdırılır.

Namiq Musayev