Sumqayıt avtomobilləri Abşeron rayonuna niyə buraxılmır?

Sumqayıt qeydiyyatlı vətəndaşlar Abşeron rayonunda avtomobil ilə rahat şəkildə hərəkət edə bilmirlər. Avtosfer.az xəbər verir ki, bu barədə vətəndaşlar baku.ws-ə şikayətlərində bildiriblər. Sakinlərin sözlərinə görə, 99 nömrə nişanlı avtomobil ilə Sumqayıtdan Novxanı, Saray, Sədərək istiqamətinə gedə bilmirlər. Yol polisi avtomobillərin Bakıya girişinin qadağan olduğunu əsas gətirərək onları saxlayır. Məsələ ilə əlaqədar Baş Dövlət Yol Polis İdarəsilə əlaqə saxladıq. Qurumun mətbuat xidmətinin rəhbəri Kamran verdiyi məlumata görə, onlara belə bir şikayət daxil olmayıb. "Əgər belə bir problem olarsa vətəndaşlar Baş Dövlət Yol Polisİdarəsinə şikayət etməlidirlər. Şikayət əsasında araşdırma aparılacaq. Ümumiyyətlə Sumqayıt sakinlərinin avtomobillərilə Abşeron rayonu ərazisində rahat şəkildə hərəkət edə bilər”, - deyə Kamran Əliyev bildirib.