Sumqayıt sakinini qatar vurdu - Qolu kəsildi

Dəmiryol xəttini keçmək istəyən Sumqayıt şəhər sakini Natiq Namazovu qatar vurub. Avtosfer.az Kəpəz TV-yə (Region TV) istinadən xəbər verir ki, hadisə bu gün "Azərbaycan Dəmir Yolları" Qapalı Səhmdar Cəmiyyətinin dəmiryol xəttinin Dəllər stansiyası ərazisindən keçən hissəsində baş verib. Xəsarət alan şəxs Şəmkir Mərkəzi Rayon Xəstəxanasına aparılıb. Həkimlər yaralını əməliyyat edib, onun bir qolu amputasiya olunub. Faktla bağlı araşdırma aparılır.