Sumqayıtda jurnalistin avtomobili qarət edilib - FOTO

Sumqayıtda avtomobildən oğurluq hadisəsi baş verib.

Avtosfer.az-ın məlumatına görə, hadisə ötən gecə 36-ci məhəllədə qeydə alınıb.

Belə ki, jurnalist İlham Məmmədzadənin avtomobili qarət edilib.

Bu barədə jurnalist sosial şəbəkədə məlumat paylaşıb.

Bildirib ki, naməlum şəxs və ya şəxslər onun avtomobilinin sol-qabaq hissəsinin şüşəsini sındıraraq qarət edib.

İ.Məmmədzadə hadisə barədə Daxili İşlər Nazirliyinə (DİN) müraciət edib.

DİN-dən  bildirilib ki, hadisə artıq araşdırılır.