Sürücülərin nəzərinə; DYP iki ay reyd keçirəcək

Nabran istirahət zonasında keçirilən reyd zamanı yol hərəkəti qaydalarını pozan 63 sürücü saxlanılıb. Xaçmaz Rayon Polis Şöbəsinin dövlət yol-polisi bölməsinin əməkdaşları yay mövsümündə nəqliyyat vasitələrinin hərəkət sıxlığı müşahidə olunan Nabran istirahət mərkəzində növbəti avtoreydini keçirib. Sərxoş sürücülərin təyin olunması məqsədi ilə həkim müayinəsi təşkil edilib. Reyd 4 saatdan çox davam edib. Yol-hərəkəti qaydalarını pozan 63 sürücü saxlanılıb. Onlar barəsində müvafiq protokollar tərtib edilib. Nabran istirahət zonasında təşkil olunan reydlər yay mövsümünün sonunadək davam etdiriləcək. APA TV