Şuşaya çəkilən yol "Zəfər yolu" adlandırılsın - Hüquqşünasdan TƏKLİF

"Şuşaya çəkiləcək yeni yol (Füzuli–Şuşa avtomobil yolu) bu mötəşəm şəhərə aparacaq üçüncü yol olacaq." Avtosfer.az xəbər verir ki, bunu hüquqşünas Ərşad Hüseynov deyib. Onun sözlərinə görə, bu yolun çəkilməsi çox əhəmiyyətlidir. 

"Məlum bəyanatla əldə edilən razılaşmaya əsasən, Şuşaya gedən indiki iki yol – həm Laçın tərəfdən, həm də Ağdam tərəfdən olan yol hələlik sülhməramlıların nəzarəti altında olacaq. Ona görə də bu yolun çəkilməsi çox mühümdür. Onun çəkilməsindən sonra biz tam rahatlıqla, heç bir maneə olmadan Cənubdan Şuşaya gedə biləcəyik.

Bu yolun həm də çox qürurverici, rəmzi əhəmiyyəti olacaq. Məsələ burasındadır ki, müzəffər Ordumuz Qarabağın gözü olan Şuşamıza məhz həmin yolla daxil olub. Özü də döyüşə-döyüşə, sözün geniş mənasında buldozer kimi qabağına keçəni kürüyərək açıb o yolu. Ona görə də bu yol ZƏFƏR yolu olacaq. Yolun rəsmən belə adlanmasına çox sevinərəm.

Eşq olsun Ordumuza!"