Taksi sürücüsü qadın müştərini niyə maşına mindirmədi? - VİDEO

Son zamanlar taksi sürücüləri arasında narazılıq yaradan hallardan biri dəfələrlə sifariş verib, sonra imtina edən şəxslərlə bağlıdır. Sürücülər bu cür hallar səbəbindən həm vaxt itkisi, həm də maddi ziyana məruz qalırlar.
Avtosfer.az xəbər verir ki, bəzi şəxslər eyni anda bir neçə taksi sifarişi verərək heç birinə minmirlər və ya sifariş verib sürücünün ünvana çatmasını gözləmədən ləğv edirlər. Bu isə taksi xidmətinin effektivliyinə mənfi təsir göstərir və digər müştərilərin də uzun müddət gözləməsinə səbəb olur.
Mütəxəssislər bildirirlər ki, bu cür halların qarşısını almaq üçün taksi şirkətləri müəyyən tədbirlər görməlidir. Məsələn, sifarişin dəfələrlə ləğv edilməsi və ya müştərinin taksiyə minməməsi hallarında cərimə tətbiq oluna bilər. Həmçinin, sürücülərin hüquqlarını qorumaq üçün mobil tətbiqlərdə daha sərt qaydalar tətbiq edilə bilər.
Bu cür analoji halla daha bir taksi sürücüsü qarşılaşıb. Sürücü sifariş verilən ünvana yaxınlaşarkən dəfələrlə müştəri tərəfindən sifariş ləğv olunub. Hadisənin Sulutəpədə baş verdiyi məlumdur. Sürücü çəkdiyi görüntüləri sosial şəbəkələrdə paylaşaraq, bir qadının dəfələrlə taksi sifarişi verib ləğv etdiyini, daha sonra yenidən sifariş yaratdığını bildirib.
Müxtəlif vaxt itkiləri və əsəbi hallarla üzləşən sürücü vəziyyətdən narazılığını ifadə edərək, sonda fərqli bir addım atıb. O, müştərinin verdiyi sonuncu sifarişi qəbul edərək ünvana gedib, lakin qadının avtomobilə minməyini gözləmədən oradan uzaqlaşıb. Sürücü bununla müştəriyə dərs vermək istədiyini bildirib.
Bu cür hallar taksi sürücüləri üçün ciddi problemə çevrilməkdədir. Sürücülər vaxt itkisindən və mənasız sifarişlərdən şikayətlənir, taksi şirkətləri isə bu məsələnin qarşısını almaq üçün daha sərt tədbirlərin görülməsinin vacib olduğunu vurğulayır.
Eltac Zülfüqaroğlu
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA












