Tərtərdə "Mercedes" aşdı; yaralılar var

Tərtərin dörd yol adlanan ərazisində ağır yol nəqliyat qəzası baş verib. "Mercedes" markalı avtomobilin aşması nəticəsində bir nəfər həlak olub, bir nəfər isə yaralanıb. Yaralı dərhal Bərdə rayon xəstəxanasına çatdırılıb. Hazırda hadisə yerində olan polislər qəzanın səbələrini araşdırır. Artıq qəzaya düşənlərin kimliyi bəlli olub. Anspress-in məlumatına görə, Tərtər rayon sakini Mirzəyev Seymur Məhiyyədin oğlu idarə etdiyi 90 NB 824 nömrə nişanlı, "Mercedes" markalı minik maşınını aşırıb. 43 yaşlı sürücü hadisə yerində dünyasını dəyişib. Onun sərnişini Hüseynov Sənani Nuruş oğlu ağır bədən xəsarətləri ilə Bərdə Mərkəzi Rayon xəstəxanasına çatdırılıb. Onun vəziyyəti orta ağır dəyərləndirilir. Faktla bağlı Tərtər Rayon Polis Şöbəsində araşdırma başlanıb.