Təyyarə qəzasından sağ çıxan Nizami: "Psixoloji müalicə alıram" - VİDEO

"Təyyarəyə nəyinsə dəydiyini eşidib yuxudan oyandım. Baxdım ki, sərnişinlər təşviş içindədirlər. Bir neçə saniyədən sonra təyyarədən təkrar səs gəldi".

Avtosfer.az xəbər verir ki, bunu Qazaxıstanın Aktau şəhəri yaxınlığında baş vermiş təyyarə qəzasında sağ qalan Nizami Cəlilov Baku TV-yə açıqlamasında deyib.

O, təyyarə qəzasının baş verdiyi anda yaşadıqlarından danışaraq - "təyyarə yerə çırpıldı. Kəmərdən asılı qalmışdım. Onu açıb yerə düşəndə, özümə gəldim və gördüm ki, təyyarə tərsinə dayanıb", - deyə sözlərinə əlavə edib.

N.Cəlilov Qazaxıstandan ölkəyə gətiriləndən sonra qəza ilə bağlı yaşadığı psixoloji problemə görə müalicə aldığını qeyd edib.

Daha ətraflı videosüjetdə: