Toya hazırlaşan gənc qız qəzada öldü - FOTO

ABŞ-ın Missouri əyalətində 26 yaşlı Collette Moreno, rəfiqələrinin onun üçün toy qabağı təşkil etdiyi "subaylığa vida" yığıncağına gedərkən yolda qəza törədərək həyatına vida edib. Avtosfer.az-ın xarici mətbuata istinadən xəbərinə görə, Morenonun ən yaxın rəfiqəsi Aşley Seobaldın idarə etdiyi maşın «Kamaz»ı ötüb keçməyə çalışarkən qarşıdan gələn avtomobillə toqquşub. Hadisə dünən günorta saatlarında baş verib. Moreno xəstəxanada apardığı 3 saatlıq həyat mübarizəsindən sonra ölüb. Rəfiqəsi Seobald yaralı halda xəstəxanaya yerləşdirilib. Morenonun nişanlısı Jesse Arkobasso toylarına 4 həftə qalmış nişanlısının ölümünə görə hələ də şokda olduğunu deyib. Toyun 26 iyul tarixində Yamaykada baş tutması planlaşdırılırdı.

Onu da qeyd edək ki, nişanlı cütlüyün 5 yaşlı oğlu da var. Moreno qəzadan əvvəl rəfiqəsi ilə selfie çəkdirib. Bu onun son rəsmi oldu. 

Avtosfer.az