Tramp: “Soros həbs olunmalıdır” – FOTO

ABŞ Prezidenti Donald Tramp milyarder Corc Soros və onun oğlunun ölkədəki etiraz aksiyalarına dəstəyinə görə məsuliyyətə cəlb edilməli olduğunu bəyan edib. Avtosfer.az xəbər verir ki, Tramp bu barədə “Truth Social” hesabından etdiyi paylaşımda qeyd edib. “Corc Soros və onun “mükəmməl” radikal-solçu oğlu ABŞ ərazisində zorakı etirazlara və digər qanunsuz hərəkətlərə dəstəyə görə RICO qanunu çərçivəsində ittiham olunmalıdır. Biz bu dəlinin Amerikamızı parçalamağına, onun “nəfəs almasına” və azad olmasına imkan verməyəcəyik. Soros və onun psixopat qrupu ölkəmizə böyük zərər vurub. Bu siyahıya onun Qərb sahilindəki (ABŞ-ın Qərb bölgələri – red.) dəli dostları da daxildir. Ehtiyatlı olun, biz sizi izləyirik!”, – deyə Tramp bildirib.
Qeyd edək ki, RICO qanunu (Racketeer Influenced and Corrupt Organizations Act) – ABŞ-da 1970-ci ildə qəbul olunmuş federal qanundur. Qanunun əsas məqsədi mütəşəkkil cinayətkarlığa və korrupsiyaya qarşı mübarizə aparmaqdır. Bu qanuna əsasən təqsirli şəxslər həm cinayət məsuliyyətinə, həm də mülki məsuliyyətə (məsələn, böyük cərimələr və mülkiyyətin müsadirəsi) cəlb oluna bilərlər.

Xatırladaq ki, Corc Soros bir sıra ölkələrdə etiraz aksiyalarının və rəngli inqilabların əsas maliyyəçisi kimi tanınır.