Türkiyədə istirahət bahalaşır – SƏBƏB 

Türkiyəyə turist səfəri edənlər indi daha çox pul xərcləməli olacaqlar. Səbəb otellərin bahalaşmasıdır.  

Avtosfer.az xəbər verir ki, dövlət qurumlarının yoxlamaları nəticəsində  təkcə İstanbulda 253 otel bağlanıb. Başqa sözlə, şəhərdəki otellərin 10 faizdən çoxunun qapısı möhürlənib. 

Bağlanmanın səbəbi otellərin lisenziyasız fəaliyyət göstərməsi və ya təhlükəsizlik normalarının kobud şəkildə pozulmasıdır. Ölkə üzrə turizm obyektlərinin kütləvi yoxlanması yanvarın 21-də 78 nəfərin həyatına son qoyan otel yanğınından sonra başlayıb. 

Otellərin bağlanması nəticəsində tələb təklif qanununa uyğun olaraq gecələmə qiymətləri artır. Sonuncu yanğın isə Türkiyə turizminə ciddi zərbə vurub. Artıq 2 ildir turizm sektorunun gerilədiyi, Monteneqro kimi yeni destinasiya ilə rəqabətdə çətinlik çəkən ölkə üçün bu yanğın ciddi nüfuz zədələnməsi oldu.

Belə hadisələr istənilən ölkədə turizm sektoruna uzunmüddətli ziyan vurur. Türkiyənin dövlət qurumları məsələnin ciddiliyini nəzərə alaraq bütün turizm obyektlərini təkrarən yoxlayır.

Vüqar