Vaxtında aparılan məlumatlandırma 60-a yaxın erkən nikahın qarşısı alınıb - Zeyni Hüseynov

Fundamental insan hüquqlarını məhdudlaşdıran, cinsi mənsubiyyətə görə ayrı-seçkilik kimi təhlükəli təzahürü özündə ehtiva edən məişət zorakılığı, xüsusən də qadınlara qarşı zorakılıq halları dünyanın bir çox ölkələrində olduğu kimi, Azərbaycanda da cəmiyyətdə narahatlıq doğuran aktual problemlərdəndir. Zorakı əməllərdən, o cümlədən məişət zəminində baş vermiş cinayətlərdən zərər çəkən qadınların ifadə vermək, etiraz etmək, vəsatət qaldırmaq, cinayət işinin materialları ilə tanış olmaq, cinayət prosesində qanuni mənafelərinin təmsil edən nümayəndəyə malik olmaq və digər prosessual hüquqlarının müdafiəsi istiqamətində də iş aparılır.
Avtosfer.az xəbər verir ki, bunu Daxili İşlər Nazirliyinin mətbuat xidmətinin rəis müavini, polis kapitanı Zeyni Hüseynov "Yaşıl dünya naminə həmrəy olaq - Qadın zorakılığına yox deyək!" mövzusunda konfransda çıxışı zamanı deyib.
O bildirib ki, zərif cinsin nümayəndələrinin öz hüquqlarını bilməsi və zorakı əməllərlə effektiv mübarizədə maarifləndirmə tədbirlərinin əhəmiyyətini xüsusi qeyd etmək lazımdır:
“Daxili İşlər Nazirliyi tərəfindən ilin ötən dövründə 2 mindən çox belə tədbir keçirilib. Vaxtında aparılan məlumatlandırma nəticəsində 60-a yaxın erkən nikahın qarşısı alınıb”.
Daxili İşlər Nazirliyinin əməkdaşı, polis mayoru İmran Əliyev isə ilin ötən dövr ərzində respublika ərazisində 3 min 787 ailənin münaqişəli kimi qeydiyyata götürüldüyünü diqqətə çatdıraraq, belə müraciətlərin araşdırılmasından danışıb:
"Ailə münaqişəsi, o cümlədən məişət zorakılığı ilə bağlı nazirliyə və ərazi orqanlarına daxil olan müraciətlərin araşdırılmasına xüsusi həssaslıqla yanaşılır, münaqişəli ailələr qeydiyyata götürülərək, aidiyyəti qurumlarla birgə qabaqlayıcı tədbirlər həyata keçirilir. Məişət zorakılığı zəminində baş verən hər bir cinayət faktı üzrə xidməti təhqiqat aparılaraq əməkdaşın bu növ cinayətlərin qarşısının alınması ilə bağlı gördüyü işlərə hüquqi qiymət verilir. Eyni zamanda, həmin cinayətlərin qarşısının alınması, açılması, zorakılıq etmiş şəxslərin cəzasızlığına yol verilməməsi üçün adekvat tədbirlər davam etdirilir. Qadınların təqsirləndirilən və ya zərərçəkmiş şəxs qismində keçdikləri bütün cinayət işləri, o cümlədən materiallar mütəmadi təhlil olunur, onları cinayətə təhrik edən amillərin öyrənilib aradan qaldırılması, aidiyyəti orqan və təşkilatlara vəsatətlər verilməsi təmin edilir".
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA
Rayon yollarında təhlükə yaradan 3 əsas amil hansılardır? – MÜTƏXƏSSİS
Bu yollarda tıxac var - SİYAHI
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO












