Vitse-prezidentin olduğu təyyarə quşla toqquşdu - ANBAAN VİDEO

Göyərtəsində ABŞ-ın vitse-prezidenti Maykl Pensin olduğu təyyarə, quşla toqquşduqdan sonra aeroporta geri dönüb. Avtosfer.az xəbər verir ki, hadisə sentyabrın 22-də təyyarənin Hyu-Hempşir ştatından Vaşinqtona uçuşu zamanı baş verib. Bu barədə Pensin köməkçisi CNN telekanalına bildirib.

Telekanalın məlumatına görə, hava gəmisi havaya qalxdıqdan bir neçə dəqiqə sonra quşla toqquşub və təhlükəsizlik baxımından hava limanına geri dönüb. Hazırda mütəxəssislər laynerə baxış keçirirlər. Pensin və onun köməkçisinin Vaşinqtona başqa bir təyyarə ilə dönməsi gözlənilir.

Qeyd edək ki, Maykl Pens Hyu-Hempşirdə seçkiqabağı tədbirlərdə iştirak edib.

Namiq Musayev