Xırdalanda zərərçəkən sakinlərə kompensasiya ödəniləcəkmi? - VİDEO

Xəbər verdiyimiz kimi, yanvarın 25-də Abşeron rayonu Xırdalan şəhəri 27-ci məhəllədə güclü partlayış baş verib. Partlayış nəticəsində, ana və uşaq olmaqla iki nəfər həyatını itirib, altı nəfər isə müxtəlif dərəcəli bədən xəsarətləri alıb. 

Partlayışın təsirindən yaxınlıqda yerləşən binalara da zərər dəyib. 

Sakinlər artıq üç gündür öz evlərində yaşamadıqlarını deyib: “Qapılarımız, pəncərələrimiz sınıb. Hadisədən bir gün sonra Fövqəladə Hallar Nazirliyinin əməkdaşları binamıza baxış keçirdi. Dedilər ki, bina qəzalı vəziyyətdə deyil. Yaşayış üçün əlverişli sayılır. İcra hakimiyyəti də bu binada yaşayan hər ailəyə 200 manat kirayədə qalmaq üçün pul verib”.

Daha ətraflı Baku TV-nin süjetində: