Yanğın çıxışları niyə bağlıdır? - Binalarda təhlükə - VİDEO

Son 1 ayda bir neçə yaşayış binasında baş verən yanğın ölümlə nəticələnib. Bu hadisələrin bəzilərində hətta 2 nəfərdən artıq şəxs dünyasını dəyişib. Avtosfer.az xəbər verir ki, baş verən yanğın hadisələri binalardakı təhlükəsizlik tədbirlərinin hansı səviyyədə olmasını yenidən gündəmə gətirib. Başqa sözlə, baş verənlər fonunda yeni tikililərdəki yanğın çıxışlarnın sakinlər üçün nə qədər əlçatan olması sual doğurur. Ekspertlər deyirlər ki, əsas problemlərən biri təxliyə çıxışlarının bağlı olmasıdır. Çünki çoxmənzilli binalarda təhlükəsizliyin təminatı ən önəmli məqamdır. Lakin bir çox binalarda bu məsələ ciddi problemə çevrilib. Əmlak eksperti Elnur Fərzəliyev deyir ki, nədənsə, tikinti zamanı təhlükəsizlə bağlı normativlər bəzi hallarda qorunmur. Onun sözlərinə görə, binada çalışan şəxslərin də çoxu yanğın təhlükəsiziyi qaydalarından məlumatsızdır.