Yaralı əsgərimizin gözü Türkiyədə amputasiya olunub- FOTOLAR

Müdafiə Nazirliyi erməni gülləsinə tuş gəlmiş 3 əsgərimizi Türkiyəyə müalicəyə göndərib. Türkiyə mediası əsgərlərimizlə bağlı geniş məlumat yayıb. Məlumatda bildrilir ki, Azərbaycandan gətirilən 3 yaralı əsgər artıq xəstəxanaya yerləşdirilib. Baş həkim Osman Arıkan Nacarın sözlərinə görə, yaralılardan birinin ümumi vəziyyəti ağırdır. İkisi isə nisbətən daha yaxşıdır. İki əsgərdən birinin sağ ayağı dizdən kəsilib, digəri qarın boşluğundan güllə yarası alıb. Vəziyyəti ağır olan xəstənin bir gözü amputasiya olunub. 

“Azəri əsgərlərimizi ziyarət etdim”. “Qafqazinfo” xəbər verir ki, bunu Türkiyənin xarici işlər naziri Əhməd Davudoğlu Twitter səhifəsində yazıb. O, sosial şəbəkədə bu barədə foto paylaşaraq məlumat verib: “Ermənistanın atəşkəsi pozması nəticəsində yaralanan və müalicə üçün Türkiyəyə gətirilən azəri əsgərlərimizi ziyarət etdim”.

Fotolar Anadolu Agentliyinindir