Yasamalda “Kaktus” adlanan ərazidə bəzi tikililər sökülür - FOTO

Yasamal rayonunda abadlıq işləri çərçivəsində yol kənarındakı bəzi tikililərin söküntüsünə başlanılıb.

İqtisadiyyat.az xəbər verir ki, hazırda söküntü işləri Şərifzadə küçəsində ("Kaktus" deyilən ərazidə) davam etdirilir.

Qeyd edilir ki, burada müxtəlif obyekt kimi fəaliyyət göstərən bəzi tikililər şəhərinə görünüşünə xələl gətirdiyi üçün sökülür.

Küçədəki bəzi ticarət və iaşə obyektlərinin söküntüsündən sonra ərazidə abadlıq işləri aparılacağı və səkilərin bərpa ediləcəyi bildirilir.

Xatırladaq ki, bu ilin əvvəlində Yasamal rayonu, Məhəmməd Xiyabani küçəsində "Ətçilər” adı ilə tanınan ərazidəki obyektlər də sökülərək ləğv edilib.