"Yeni təyyarələrdən istifadə gələcəkdə emissiyaların azalmasına kömək edəcək"

Yüksək texnologiyalar, rəqəmsal inkişaf, uçuş marşrutlarının optimallaşdırılması, yeni təyyarələrin istifadə və onların mühərriklərinin ekoloji uyğunluğu gələcəkdə emissiyaların azalmasına gətirib çıxaracaq. Bunu Dövlət Mülki Aviasiya Agentliyinin direktoru Arif Məmmədov jurnalistlərə açıqlamasında deyib.

O bildirib ki, 2030-cu ilə qədər hava məkanında emissiyaların 50% azaldılması nəzərdə tutulub:

“Azərbaycan da bu hədəfi götürüb. Gələcəkdə bərpa olunan enerjidən istifadə emissiyaların daha da azaldılmasına gətirib çıxaracaq. Bugün keçirilən tədbirdə də [Ümumdünya Aeronaviqasiya Sammiti] hava məkanından istifadə zamanı ətraf mühitə dəyən zərərlər müzakirə olunacaq. Həmçinin rəqəmsal, yüksək texnologiyaların istifadəsi məsələləri də müzakirə mövzusudur ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) ərəfəsində bu mövzuların müzakirəsi çox önəmlidir”.