Yol polisi "07"ni qovdu; qəza baş verdi - FOTOLAR

Yol Polis Xidmətinin əməkdaşı qəzaya səbəb olub. Anspress-in məlumatına görə, bu haqda portalın qaynar xəttinə Xudat şəhərindən zəng ediblər. Şahidlərin sözlərinə görə, YPX-in sürücüsü 10 OK 765 nomrəli Jiquli markalı "VAZ 2107" minik maşınını qovan zaman qəza baş verib. Hadisə zamanı xəsarət alan olmasa da maşınlara ciddi ziyan dəyib. Bu informasiyanı ətrafda olan sürücülər də təsdiq edib.

Qeyd edək ki, qəzadan sonra 10 YP 769 markalı YPX maşını hadisə yerindən uzaqlaşıb. 10 OK 765 markalı minik maşınının sürücüsünün Quliyev Saleh olduğu deyilir.

Adı qəza törətməkdə hallanan 10-YP-769 markalı YPX maşınının sürücüsü açıqlama verib. BDYPİ-nin YPX alayının 2-ci taqımının komandiri Arzu Nurəliyev bildirib ki, adıçəkilən maşının sürücüsü təhlükəsizlik kəmərini taxmadığına görə onu saxlamaq istəyib. "10 OK 765 nomrəli "VAZ 2107" markalı minik maşınının sürücüsü bizə tabe olmadığından sonra 10 kilometr yol qət edib və nəticədə yolda başqa maşınla toqquşub».