Yol polisini belə yumruqladılar -VİDEO

Ötən gün saat 18:40 radələrində Yasamal rayonu, Hüseyn Cavid prospektində (Azərbaycan Texniki Universitetinin qarşısındakı magistral yol) YPX əməkdaşları ilə qaydanı pozan piyadalar arasında əlbəyaxa dava olub. Avtosfer.az-ın AzNews.az-a istinadən məlumatına görə, avtomobil yolunun qadağan olunmuş hissəsindən keçmək istəyən piyada YPX əməkdaşının xəbərdarlığına yumruq zərbəsi ilə cavab verib. Bundan sonra münaqişə böyüyüb, ətrafdakı vətəndaşlar davaya müdaxilə ediblər. Əraziyə əlavə polis qüvvəsi cəlb olunub. Uzun mübahisədən sonra YPX əməkdaşını yumruqlayan şəxs polis bölməsinə aparılıb.