Yüksək sürət və diqqətsizlik 50 metrlik uçuruma apardı - FOTOLAR

Manisanın Kula mahalında təxminən 50 metrlik uçurumdan aşağı yuvarlanan avtomobildə olan sərnişinlərdən 1-i ölüb, 2-si uşaq olmaqla 4 nəfər yaralanıb. Qəza sonrası qanlar içində qalan Zeyneb Çümen xilasetmə işlərini göz yaşları içində izləyib. Qəza dünən saat 15:00 radələrində baş verib. İzmirdən Uşak istiqamətdə gedən avtomobilin sürücüsü 64 yaşlı Ekrem Sunal yüksək sürət və diqqətsizlik nəticəsində avtomobil idarəsini itirib. Nəticədə avtomobil təxminən 50 metrlik bir uçurumdan aşağı yuvarlanıb. Dəmir-dümür yığınına dönüşən avtomobildə olan sərnişinlərdən Döne Sunal (90) hadisə yerindəcə keçinib. İkisi uşaq olmaqla 4 nəfər yaralanıb və Kula dövlət xəstəxanasına yerləşdirilib, həyati təhlükələrinin olmadığı bildirilir. 

Hadisə ilə bağlı araşdırma davam edir.