Yunan müğənni Atatürkə hörmətsizlik etdi, vətəndaşlar səhnəyə çıxdı - VİDEO

Türkiyədə yunan sənətçi siyasi etirazı ilə gündəm olub.

Avtosfer.az xəbər verir ki, Almaniya vətəndaşı olan yunan əsilli müğənni Despina Vandi Türkiyənin İzmir şəhərinin Çeşmə rayonunda konserti gözlənilirdi. “Türk Eğitim Vakfı”nın  təşkil etdiyi konsert proqramında səhnədən asılan Atatürk posterini görən Vandi konsert iştirakçılarının qarşısına çıxmaqdan imtina edib.

Dərhal sonra konsert zalındakı Türkiyə vətəndaşları səhnəyə çıxıb və “İzmir Marşı” oxuyublar.

Tamaşaçıların qəzəbinə tuş gələn müğənni Türkiyəni tərk etməli olub.

Məsələ ilə əlaqədar Türkiyə Mədəniyyət və Turizm Nazirliyi tərəfindən Despina Vandinin ölkə ərazisinə girişinin tamamilə qadağan edilməsi üzərində işlər görüldüyü açıqlanıb.

Səfər Əlizadə