Zəncirvari qəza: xəsarət alanlar var

Bakıda zəncirvari qəza baş verib. Anspress-in məlumatına görə, Nobel prospektində baş verən yol qəzasında xəsarət alanlar olub. Belə ki, Nobel prospektinin Zığ qəsəbəsindən şəhər istiqamətinə gedən hissəsində, Azərbaycan Futbol Federasiyaları Assosiasiyasından yanında "Toyota Corolla" markalı avtomobil idarəetməni itirərək, yolun ortasındakı maneəni də aşaraq əks istiqamətli hərəkət zolağına çıxıb və nəticədə "Opel" markalı avtomobillə toqquşub. Daha sonra həmin yolla hərəkətdə olan "Mercedes" markalı avtomobil "Opel"lə toqquşan "Toyota Corolla"ya çırpılıb. Bu qəza prospektin Zığdan şəhərə gedən istiqamətində böyük tıxaca səbəb olub.