Zolaqların silinməsi bu tarixə kimi davam edəcək - VİDEO

Noyabrın 25-dən COP29 zolaqları qüvvədən düşmüş hesab ediləcək.

Avtosfer.az xəbər verir ki, bu barədə Yerüstü Nəqliyyat Agentliyindən bildirilib.

Məlumatda qeyd edilib ki, ictimai nəqliyyatın xüsusi zolaqlar şəbəkəsinə daxil olmayan, məhz COP29 nəqliyyat əməliyyatlarının təşkili üçün çəkilmiş zolaqlar tədbir yekunlaşdıqdan sonra öz qüvvəsini itirəcək.

“Bu məqsədlə AYNA tərəfindən qeyd edilən zolaqlarda 5.9 avtobus zolağını bildirən yol nişanlarının sökülməsi və xətlərin silinməsi işlərinə başlanılıb. Yol nişanları çıxarılmış zolaqlar artıq qüvvədən düşmüş hesab olunacaq. 25 noyabr tarixinədək müvafiq nişanların çıxarılması işləri icra ediləcək”, – deyə xəbərdə qeyd olunub.