Avtomobilə silahlı hücum edildi - ikisi polis olmaqla 4 nəfər ölüb

Pakistanda Miranşah şəhər komissarının köməkçisinin avtomobilinə hücum nəticəsində dörd nəfər, o cümlədən iki polis və komissar köməkçisi həlak olub.

Avtosfer.az xarici mətbuata istinadən xəbər verir ki, hadisə bu gün Hayber-Pahtunhva əyalətinin Bannu rayonunda baş verib.

"Hücum qəfil olub. Hücum edənlər avtomobilə atəş açdıqdan sonra onu yandırıblar. Təhlükəsizlik qüvvələri və polis birgə əməliyyat keçirir. Ərazidə təhlükəsizlik tədbirləri gücləndirilib", - baş müfəttişin müavini Səcad Xan bildirib.

Komissar köməkçisinin katibi Bilal Sakib mətbuata deyib ki, hadisə səhər saat 10 radələrində baş verib. O əlavə edib ki, komissar köməkçisi məhkəməyə gedərkən pusquya düşüb.

Həlak olanlar arasında bir mülki şəxs də var, iki polis isə yaralanıb.

Hadisə ilə bağlı araşdırma davam edir.