Azərbaycanlı qadın aeroportda 18 milyonluq zinət əşyaları ilə tutuldu

Dubaydan Moskvaya uçan 33 yaşlı Azərbaycan vətəndaşı Vnukovo hava limanında saxlanılıb. Avtosfer.az APA-ya istinadən xəbər verir ki, Azərbaycan vətəndaşı özü ilə 18.5 milyon rubl (təxminən 347 min manat - red.) dəyərində brilyantlarla bəzədilmiş platin və qızıl ərintili beş ədəd üzük gətirdiyinə görə saxlanılıb. Üzüklər gömrükdə yoxlama zamanı aşkar edilib.

Qeyd edilib ki, zərgərlik əşyaları müsadirə edilib və azərbaycanlı qadın hazırda qaçaqmalçılıqda ittiham olunur. Onu beş ilə qədər həbs və ya bir milyon rubla qədər (təxminən 22 min manat - red.) cərimə gözləyir.