Bakıda gənc oğlan bıçaqlanıb - YENİLƏNİB

Sabunçu rayonunda 22 yaşlı oğlanı bıçaqlamaqda şübhəli bilinən şəxs saxlanılıb.

Avtosfer.az xəbər verir ki, noyabrın 15-də saat 1 radələrində paytaxtın Sabunçu rayonunun Balaxanı qəsəbəsi ərazisində 2002-ci il təvəllüdlü Ş.İsmayılova kəsici alətlə xəsarət yetirməkdə şübhəli bilinən 1988-ci il təvəllüdlü E.Sadıqov polis əməkdaşlarının keçirdikləri tədbirlərlə müəyyən olunaraq saxlanılıb.

Faktla bağlı araşdırma aparılır.

***

Bakının Sabunçu rayonunda bıçalanma hadisəsi baş verib.

Avtosfer.az apa-ya istinadən xəbər verir ki, hadisə Sabunçu bazarının yaxınlığında qeydə alınıb.

2002-ci il təvəllüdlü İsmayılov Şirin Qafar oğlu tanımadığı şəxsin bıçaqlı hücumuna məruz aalıb.

O, qarının ön divarının kəsilmiş-deşilmiş xəsarətləri diaqnozu ilə xəstəxanaya yerləşdirilib.

Həkimlərin verdiyi məlumata görə, Ş.İsmayılov cərrahi əməliyyat edilib. Vəziyyəti orta ağırdır.

Faktla bağlı Sabunçu Rayon Polis İdarəsində araşdırma aparılır.