Bakıda müğənnini küçədə DÖYDÜLƏR - FOTO

Azərbaycanlı müğənni Pəriyar Məmmədova küçədə iki şəxsin hücumuna məruz qaldığını açıqlayıb.

Avtosfer.az xəbər verir ki, sənətçi hadisə barədə sosial şəbəkə hesabında paylaşım edib.

Onun sözlərinə görə, avqustun 14-də səhər saatlarında səhnədən qayıdarkən 20 Yanvar dairəsi yaxınlığında tanımadığı iki şəxsin hücumuna məruz qalıb.

Müğənni bildirib ki, əvvəlcə həmin şəxslər ona qarşı nalayiq ifadələr işlədib, daha sonra isə köməksiz vəziyyətindən istifadə edərək ona fiziki zor tətbiq ediblər.

Pəriyar Məmmədova hadisə nəticəsində alnının şişdiyini, gözünün altında göyərmə yarandığını, qollarında hematomalar əmələ gəldiyini və barmağının travma aldığını qeyd edib.

Sənətçi hadisə ilə bağlı aidiyyəti qurumlara müraciət etdiyini və hücum edən şəxslərin müəyyən edilərək məsuliyyətə cəlb olunmasını istədiyini bildirib.