Bir milyon manatlıq dələduzluq etdi - 8 il həbs olundu

Vətəndaşlara qarşı 1 milyona yaxın dələduzluqda təqsirləndirilən Rövşən Hüseynlinin cinayət işi üzrə məhkəmə istintaqı yekunlaşıb.  Avtosfer.az-ın "Unikal"a istinadən məlumatına görə, bu barədə qərar Bakı Ağır Cinayətlər Məhkəməsinin hakimi Aygün Qurbanovanın sədrliyi ilə keçirilən prosesdə elan edilib. Dövlət ittihamçısı Orxan Mehdiyev məhkəməyə təqsirləndirilən şəxsin 9 il 6 ay müddətinə azadlıqdan məhrum edilməsini təklif edib. Vəkil müdafiə çıxışı etdikdən sonra təqsirləndirilən şəxs son söz deyib.  Daha sonra hökm oxunub. Hökmə əsasən, Rövşən Hüseynli 8 il müddətinə azadlıqdan məhrum edilib. 

Xatırladaq ki, dövlət ittihamçısı iş üzrə 13 zərərçəkmiş var. 

Qeyd edək ki, R. Hüseynliyə qarşı Cinayət Məcəlləsinin 178.3.2-ci (dələduzluq-külli miqdarda ziyan vurmaqla törədildikdə) maddəsi ilə ittiham irəli sürülüb.

Ümumi dəymiş ziyan isə milyon manata yaxındır.