Çıxılmaz vəziyyətə düşən piyada ayrıcı betonun üzərindən yolu keçdi - VİDEO

Abşeron rayonu, Hökməli dairəsində qayda pozan piyada videoya çəkilib.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb.

Kadrlardan aydın görünür ki, yolu müəyyən olunmamış yerdən keçmək istəyən orta yaşlı kişi əvvəlcə ayrıcı betonun üzərinə çıxıb, daha sonra isə yolun ortasında qalaraq çətin vəziyyətə düşüb.

Hərəkətin intensiv olması səbəbindən o, uzun müddət avtomobillərin dayanmasını gözləməli olub və vaxt itirib.

Görüntülərdən məlum olur ki, hadisə yerinin yaxınlığında piyadalar üçün nəzərdə tutulmuş yerüstü keçid mövcuddur. Buna baxmayaraq,  piyada həm öz həyatını, həm də sürücüləri təhlükəyə atıb.

Xatırladaq ki, piyadalar yolu yalnız keçidlərdən istifadə edərək keçməlidirlər. Keçidlərdən kənar yerdə yolu keçmək inzibati məsuliyyət yaradır və cərimə ilə nəticələnə bilər. Ən əsası isə, qaydalara əməl etmək piyadanın həyatını qoruması üçün vacibdir. 

Nərmin