Direktordan canlı yayımda şikayət edən müəllim işdən çıxarılıb - RƏSMİ - VİDEO

Gəncə şəhər 7 nömrəli məktəbdə müddətli müqavilə əsasında çalışan, məktəb rəhbərliyinin ona qarşı qərəzli mövqe sərgilədiyini iddia edən müəllim Günay Məmmədovanın əmək müqaviləsinə xitam verilib.
Avtosfer.az xəbər verir ki, bu barədə Modern.az-a Gəncə–Daşkəsən Regional Təhsil İdarəsindən məlumat verilib.
İdarənin açıqlamasında Günay Məmmədovanın Göygöl rayonu Z. Abdullayev adına Bənövşəli kənd tam orta ümumtəhsil məktəbinin musiqi müəllimi olduğu qeyd edilib. Bildirilib ki, son günlər onun davranışları ilə bağlı sosial şəbəkələrdə yayılan videolar ictimai müzakirələrə səbəb olub.
“Müəllimin sosial şəbəkələrdəki paylaşımlarında nümayiş etdirdiyi davranış və işlətdiyi ifadələr pedaqoji etika, müəllim nüfuzu və peşə məsuliyyəti baxımından qəbuledilməzdir. Xüsusilə, Günay Məmmədovanın məktəbdə canlı yayımlar açması, bu zaman tədris prosesinə müdaxilə etməsi və təhsil müəssisəsinin normal fəaliyyətinə mane olması yolverilməz hesab olunur”, – açıqlamada bildirilib.
İdarədən vurğulanıb ki, şagirdlərin təhlükəsizliyinə, hüquqlarına və sağlam psixoloji mühitə xələl gətirən, tədrisin normal gedişinə mane olan davranışlar müəllimin peşə öhdəlikləri ilə uzlaşmır.
“Qeyd olunan hallar və əmək münasibətlərini tənzimləyən qanunvericiliyin tələbləri nəzərə alınaraq G. Məmmədovanın əmək müqaviləsinə xitam verilib”, – deyə idarədən bildirilib.
Qeyd edək ki, Günay Məmmədova daha əvvəl Gəncə şəhər 7 nömrəli məktəbdə dərs cədvəlinin xəbərdarlıq edilmədən dəyişdirildiyini iddia edib. O, məktəbdən canlı yayımlar açaraq rəhbərlikdən bununla bağlı akt tələb edib.
***
Gəncə şəhər 7 nömrəli məktəbdə müddətli müqavilə əsasında çalışan müəllim Günay Məmmədova rəhbərlik tərəfindən ona qarşı qərəzli addımlar atıldığını iddia edir.
Avtosfer.az xəbər verir ki, müəllim oktyabrın 22-də dərs cədvəlinin ona əvvəlcədən məlumat verilmədən dəyişdirildiyini bildirib.
Günay Məmmədovanın sözlərinə görə, müəllimlərin işə qəbulu (MİQ) imtahanında yüksək nəticə göstərərək qəbul olunduğu məktəbdə dərs cədvəli əvvəlcə onun əsas iş yerindəki qrafikinə uyğun tərtib edilib. Lakin sonradan cədvəl gecə saatlarında birtərəfli qaydada dəyişdirilib.
Müəllim bu dəyişikliyin onun fəaliyyətinə mane olmaq məqsədi daşıdığını və ictimai fəallığı ilə əlaqəli olduğunu iddia edib.
O, həmçinin məktəbin fəaliyyətinə dair əvvəllər müxtəlif platformalarda yayımlanan və müsbət rəylər alan videosüjetlərin məktəbin rəsmi səhifəsindən silindiyini bildirib.
Günay Məmmədova səhər saatlarından sosial şəbəkədə canlı yayımlar edərək məsələni ictimailəşdirib və hüquqlarının təmin olunmasını tələb edib.
Aqressiv sərnişin avtobusda qorxu dolu anlar yaşatdı - Şüşəni sındırıb qaçdı - VİDEO
Bu küçədə çuxurların əlindən hərəkət çətinləşib - Şikayətlər cavabsız qalıb - VİDEO
Bakıda sürücü avtobus sürməkdən imtina etdi: Türkiyəli xanım narazılıq etdi - VİDEO
Qırmızıda yolu qaçaraq keçən yaşlı kişi təhlükəli anlar yaşatdı - VİDEO
İqlim dəyişikliyi milyonadək insanın ölümü ilə nəticələndi
Nizamidə işıq dirəyinin lampası az qala maşının üstünə düşəcəkdi - VİDEO
Çuxurlar yolu iflic edib, sürücülər əks yola çıxmağa məcbur qalır - VİDEO
Təcili yardıma yol verən sürücünün avtomobilini vurdu, sonra ərazidən qaçdı - VİDEO
Xocasən yolundakı çuxurlar ya ziyan vurur, ya da qəza riski yaradır - VİDEO
İçərişəhərdə maşınını park edən idmançı qiymətdən şoka düşdü - VİDEO
Biləcəridə nəhəng ağac yolu bağladı, işi yarımçıq qoyub getdilər - VİDEO












