Maskalı şəxslər zərgərlik mağazasından 1 kq qızıl oğurlayıb motosikletlə qaçdı - VİDEO

Maskalı şəxslər zərgərlik mağazasını qarət edib. Avtosfer.az xəbər verir ki, hadisə Türkiyənin Batman şəhərində baş verib. Məlumata görə, şəhərin mərkəzində yerləşən zərgərlik mağazasına yaxınlaşan iki maskalı şəxsdən biri tapançadan havaya atəş açaraq mağaza sahibini qorxudub. Ardınca digər şübhəli onun başına silahın qundağı ilə vuraraq yaralayıb və mağazadan təxminən 1 kiloqrama yaxın qızıl oğurlayaraq hadisə yerindən motosikletlə qaçıblar. Mağaza sahibinin xəbər verməsindən sonra hadisə yerinə polis əməkdaşları gəlib və şübhəlilərin tutulması istiqamətində genişmiqyaslı əməliyyat başlayıb.

Namiq Musayev