Qaranlıqda avtomobilin önünə qəfil çıxan piyada qəzadan son anda xilas oldu - ANBAAN VİDEO

Paytaxtda qayda pozan piyada avtomobilin kamerasına düşüb.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb.

Görüntülərdən aydın olduğu kimi, piyada yolu təyin olunmamış yerdən keçməyə çalışaraq həm özünü, həm də sürücünü təhlükəyə atıb.

Belə ki, qaranlıqda yolun ortasına qəfil çıxan şəxs hərəkətdə olan avtomobilin önünə qaçıb. Xoşbəxtlikdən o, son anda geri çəkilərək qəzadan xilas olub.

Qeyd edək ki, xüsusilə axşam saatlarında və işıqlandırmanın zəif olduğu yollarda piyadaların məsuliyyətsiz hərəkəti sürücülərin reaksiya müddətini minimuma endirir.

Bu səbəbdən hər bir piyada keçiddən istifadə etməli və avtomobillərin dayandığına əmin olduqdan sonra hərəkətə başlamalıdır. 

Nərmin