Qardaşı uşaqlarını baltalayan əmi dəfn olundu - FOTO

Bir neçə gün öncə öz qardaşı övladlarını baltalamaqda ittiham edilən Əli Nağıyevin fotosu yayılıb. Avtosfer.az Teleqraf.az-a istinadən həmin fotonu təqdim edir:

Qeyd edək ki, Əli Nağıyev bir neçə gün əvvəl qardaşı övladları Hüseyn və Həqiqət Nağıyevlərə balta ilə xəsarətlər yetirmişdi. Aldığı ağır xəsarətlərdən Həqiqət Nağıyeva həyatını itirib. Hadisədən sonra saxlanılan Ə.Nağıyevin halı müvəqqəti saxlama yerində pisləşib və o, xəstəxanaya yerləşdirilib. Həkimlərin səyinə baxmayaraq, Ə.Nağıyev orada dünyasını dəyişib.

Əli Nağıyevin nəşi kənd qəbiristanlığına gətirilib və məhdud sayda şəxsin iştirakı ilə torpağa tapşırılıb.

***

1977-ci il təvəllüdlü şəxs (kişi) fevralın 3-də saat 00:10 radələrində Cəlilabad Rayon Mərkəzi Xəstəxanasından ağır vəziyyətdə Respublika Neyrocərrahiyyə Xəstəxanasının Anesteziologiya, reanimasiya və intensiv terapiya şöbəsinə yerləşdirilib. Bu barədə Respublika Neyrocərrahiyyə Xəstəxanasından məlumat verilib.

Bildirilib ki, pasiyentə açıq kəllə-beyin travması, baş beynin ağır dərəcəli əzilməsi, sol gicgah payının beyindaxili hematoması, soltərəfli kəskin subdural hematoma, dislokasion sindrom, sol təpə sümüyünün gicgah sümüyünə dəvam edən xətti sınığı, sol təpə gicgah nahiyəsinin dərialtı hematoması, sol periorbital hematoması diaqnozları təyin edilib.

"Sol alın təpə gicgah nahiyədə dekompressiv trepanasiya, sol alın gicgah epidural, sol alın təpə gicgah subdural, sol gicgah payının beyindaxili hematomasının xaric edilməsi, sərt qişanın plastikası üzrə cərrahi əməliyyat icra olunan pasiyentin aparılan reanimasiya tədbirlərinə baxmayaraq, onun fevralın 4-də 01:00 radələrində bioloji ölüm faktı qeydə alınıb", - məlumatda qeyd olunub.