Yol pulu olmadığı üçün velosiped oğurladı, həbs edildi

Bakıda yol pulu olmadığı üçün velosiped oğurlayaraq evinə aparan şəxs həbs olunub.

Avtosfer.az-ın "Qaynarinfo"ya istinadən məlumatına görə, hadisə Nizami rayonu, Kamil Balakişiyev küçəsi 36 ünvanında baş verib.

1973-cü il təvəllüdlü Bakı sakini F.G. həmin ünvanda "VİSTA” markalı, dəyəri 1000 manat olan velosipedi oğurlayıb. O, oğurluğu törətdiyi gün havanın yağışlı olduğunu və evə getmək üçün pulu olmadığını bildirib. F.G. əməlindən peşman olduğunu bildirib, üzr istəyib və velosipedi geri gətirmək üçün icazə verilməsini xahiş edib.

Məhkəmənin hökmü ilə F.G. İnzibati Xətalar Məcəlləsinin 227-ci maddəsi ilə təqsirli bilinərək 25 gün müddətinə həbs olunub.