1 il “Marsda” yaşayacaq 4 nəfər seçildi – İyunda start verilir - FOTO

İyun ayında 4 könüllü Mars simulyatorunda 1 illik həyata başlayacaqlar.

Eksperiment insanların qırmızı planetə necə uyğunlaşacağını anlamaq üçün aparılır.

Eksperimentin təşkilatçısı NASA-dır.

NASA Marsa uçacaq ilk kosmonavtlar üçün 1 il davam edəcək eksperimentlərə iyun ayında start verəcək. Simulyatorun 3D printerdə yaradıldığı və layihəyə 4 nəfərin qoşulduğu bildirilir. Adlar hələlik gizli saxlanılır.

4 nəfər süni Marsda 1 il qapalı məkanda yaşayacaq. Süni Marsda yaşayacaq kosmonavtlar üçün normal məişət şəraiti, özlərinin bitki yetişdirmələri üçün imkanlar yaradılıb.

Onlar heç kimlə əlaqə saxlamayacaq, bəzən avadanlıqları qəsdən sıradan çıxarılacaq və təmir etmək məcburiyyətində qalacaqlar. Həkimlər onların fiziki və psixi sağlamlığının bu müddət ərzində hansı formada inkişaf edəcəyinə nəzarət edəcəklər.

Eksperiment zamanı 1 ilin 9 ayı Marsa uçuş müddəti, 3 ay planetdə yaşam müddəti hesab olunacaq. (lent.az)