160 min manatlıq qaraj: siz də görün... - FOTO

London, Vaşinqton, Tokio, Paris, Moskva kimi şəhərlərdə parklama problemi hər gün dərinləşir. Çıxış yolunu isə avtomobil sahibi özü tapmalıdır. 

Avtosfer.az xəbər verir ki, Londonda satışa xüsusi parklama yeri (qaraj) satışa çıxarılıb. Bura əslində bizim başa düşdüyümüz, keşmiş SSRİ-nin bütün böyük şəhərlərini bəzəyən metal və ya beton konstruksiyalı, qapalı tikililər deyil. Evdəki artıq əşyaları da bura yığmaq qeyri-mümkündür. 
Bu qarajların eni cəmi 2 metrdir. Avtomobilin eninin əsasən 1,8 metri keçmədiyini nəzərə alsaq deyə bilərik ki, burda park etmək özü böyük ustalıq tələb edir. 
Qiymətə gəlincə, bu parkinq-qarajların hər birinin dəyəri 80 000 funt-sterlinqdir. Bu günkü kursla təxminən 160 000 manat. 
Qarajı almaqla iş bitmir. Bu cür parkinqin illik vergisi və kommunal xidmətləri 1700 fundur – 3 400 manat.
Yaponiyada isə başqa maqrlı bir qadağa var. Tokio və Kioto kimi böyük şəhərlərdə avtomobil almaq istəyən şəxs ilk növbədə evinin 800 metr radiusunda özünə park yeri tapmalıdır. Bu da bir qayda olaraq avtomobildan daha bahadır.

Vüqar