18 yaşlı avtobus sürücüsü - FOTO

Bəlkə də qəribə görünə bilər, amma realdır. Avtosfer.az-ın xəbərinə görə, 18 yaşlı Britaniya vətəndaşı ölkəsində ən gənc avtobus sürücüsüdür. 

Onda sürücülüyə həvəsi 20 ildir avtobus idarə edən atası yaradıb. Lük Broun 16 yaşında B kateqoriyası əldə etdikdən sonra daha böyük nəqliyyat vasitəsini idarə etmək fikrinə düşüb. 

Lükün dediyinə görə, təlimçilər bir neçə ay işləyərək ona texnikanın sirlərini öyrədiblər. Sınaqlardan uğurla keçən gənc artıq kiçik bir şəhərdə sürücü kimi işə qəbul edilib. O, qarajda atası ilə birgə işləyir. 

Sərnişinlər onu çoxdan tanıyırlar və razıdırlar. O, daha əvvəl nəqliyyatda könüllü kimi minib-düşməyə çətinlik çəkən yaşlılara və uşaqlı qadınlara kömək edib.

Vüqar