1945-ci ildə atom bombalarının atıldığı hərbi aerodrom bərpa edilir - FOTO

ABŞ 1945-ci ilin avqustunda Yaponiyaya atom bombalarının atıldığı hərbi aerodromun bərpasına başlayıb.

Avtosfer.az oxu.az-a istinadən bildirir ki, Xirosima və Naqasakidəki nüvə faciəsi ilə bağlı olan və Sakit okeanın Tinian adasında yerləşən hərbi aerodromun hazır vəziyyətə gətirilməsi qərara alınıb.

Uzun illər əvvəl tərk edilmiş aerodrom tamamilə cəngəlliklərlə örtülüb və indi ABŞ inşaatçıları praktiki olaraq sıfırdan başlamalı olacaqlar. 

Bəzi ekspertlərin fikrincə, Pentaqon bədbin tarixə malik olan aerodromdan Çinlə gözlənilən qarşıdurmada istifadə etməyi planlaşdırır.