2015-ci ilin kitabı bağlandı – VİDEO

Gələn il Amerika Birləşmiş Ştatlarında güclü zəlzələlər baş verəcək. Ekvatordan cənubda yaşayan insanlar isə aclıqla mübarizə aparmalı olacaqlar. Tarixin ən məşhur ekstrasenslərindən olan Nostradamusun 2015-ci illə bağlı verdiyi proqnozlar  bir çox ölkələr üçün yaxşı heç nə vəd etmir. ATVxəbər.az bildirir ki, 2015-ci ildə ekologiya ilə bağlı problemlərin baş qaldıracağı barədə fikirlərini tarixin yaddaşından bu günümüzə ötürən Nostradamus, xüsusən bir neçə vulkanın püskürəcəyini ehtimal edib. Vulkan püskürmələrinin böyük fəlakətlərə səbəb olacağını bildirən ekstrasens Yer üzünün bir neçə günlük qaranlığa qərq olacağını da deyib. Elm sahəsində isə yeniliklər gözlənilir. Nostradamus bu il üçün insanların ucuz elektrik enerjisi əldə etmək üçün böyük addımlar atacağını deyib. Günəş enerjisindən istifadə də yeni uğurlar əldə olunacaq ki, bu da iqtisadi böhranın qarşısını almağa kömək edəcək. Eyni zamanda elm adamları bir sıra kəşflərə imza atacaqlar ki, bunlardan da ən önəmlisi cavanlıq iksiri olacaq.