30 000 manata başa gələn yağdəyişmə

Bəlkə kiməsə qəribə gələ bilər, amma realdır. 

Avtosfer.az xəbər verir ki, Bugatti Veron avtomobillərində yağ dəyişmək sözün həqiqi mənasında zülmdür. Adi maşındakı kimi karterin boltunu açmaq, filtri yeniləmək və yağ əlavə etmək proseduru bu maşınlarda fərqlidir. 
Əvvəla, yağ dəyişmək üçün mühərrikin üstündə və altındakı 2 qoruyucu çıxarılmalıdır. Bunun üçün nə az, nə çox 52 bolt açılmalıdır. 
Bundan sonra, sistemdə yağın qızması üçün mühərrik bir müddət yerində işləməlidir. 
Bugattinin mühərrik, transmissiya və digər sistemlərində ümumilikdə 16 litr yağ var. Bunları açıb dəyişmək üçün 16 ayrı-ayrı tıxac açılmalıdır. 
Bir sözlə, mühərrik və transmissiyanın yağ və filtrlərinin dəyişməsi 18 min avroya (təxminən 33000 manat) başa gəlir. Həm də bu avtomobil üçün adi yağlar yaramır. Yağdəyişmə proseduru isə təxminən 1 iş gününə başa çatır.

Vüqar