“345” formulu və ya ucuz Çin avtomobillərinin mənşəyi - FOTO

Bu günlərdə sosial şəbəkənin Çin seqmentində “Chery Holding Group”un daxili hesabatı yayılıb. Hesabat Çin avtomobillərinin ucuz olmasının bəzi səbəblərini də ortaya qoyub.

Avtosfer.az xəbər verir ki, “345” formulu kifayət qədər sadədir: 3 nəfərə 4 adamın maaşını ver, 5 nəfərin işini gördür. Həmçinin insan resursları departamenti iş vaxtından əlavə saaatlara (Çində həyat normasıdır) nəzarət etməli, əlavə işləyənlərin keyfiyyətsiz işinə son qoymalıdır. 
Şirkət yayılan sənədə münasibət bildirərək bunun təhrif olunduğunu iddia edib. Lakin sosial şəbəkə istifadəçiləri bildiriblər ki, avtomobil zavodlarında (digər yerlərdə də) həftədə azı 20 saat normadan artıq iş məcburidir və bunun üçün heç bir pul ödənilmir. Bundan başqa, məzuniyyət məsələsi ciddi reqlamentləşdirilib, əlavə vaxtları ödəməyən departament əməkdaşlarının məzuniyyətə getməsi isə qadağandır.

Vüqar Yaşaroğlu