6-cı mərtəbədən yıxılan kök pişik maşının şüşəsini sındırıb - FOTO

Taylandda kök ev pişiyi 6-cı mərtəbənin pəncərəsindən yıxılaraq aşağıda avtomobilin üstünə düşüb və xəsarət almayıb. Avtosfer.az xəbər verir ki, bu barədə “Thaiger” məlumat yayıb.

Mayın 27-də səhər saatlarında Banqkokdakı yaşayış kompleksinin meneceri yerli sakin Apivat Toyotaka zəng edərək, onun avtomobilinin üzərinə pişiyin düşdüyünü bildirib. Kişi əvvəlcə ona niyə belə bir hadisə barədə məlumat verildiyini anlamasa da, menecer aydınlaşdırıb ki, ağır çəkiyə görə pişik maşının arxa şüşəsini sındırıb.

Hadisənin günahkarı Şifu adlı kirayəçilərdən birinin ev heyvanı olub. Sonradan məlum olduğu kimi, yaxşı bəslənən heyvanın çəkisi təxminən səkkiz kiloqramdır.

Toyotaka bildirib ki, baş verənlər bədbəxt hadisə olduğundan pişiyə və onun sahibinə kin saxlamır. Hadisə yerindən fotoları həmin şəxs özü sosial şəbəkədə yerləşdirib.

Görünür, pişik binanın altıncı mərtəbəsindən çıxıntılı hissəsi olan üçüncü mərtəbəyə düşüb və oradan maşının üstünə atılıb. Buna görə heyvan zədədən praktiki olaraq xilas olub.

Leyla