92 yaşlı pensiyaçını evində maşın vurdu

İngiltərənin Böyük Mançester qraflığının Bolton şəhərində avtomobil 92 yaşlı təqaüdçünün evinə girib və onu ağır yaralayıb.

Noyabrın 28-i səhər saatlarında adı açıqlanmayan qadın evdə olub. Onu gözlənilmədən evin divarına çırpılan BMW markalı avtomobil vurub.

Ayağından ağır xəsarət alan təqaüdçü təcili olaraq xəstəxanaya çatdırılıb. Avtomobilin sürücüsü, 39 yaşlı britaniyalı kəllə-beyin travması alsa da, onun həyatı üçün təhlükə yoxdur. Həmin şəxs avtomobili təhlükəli sürərək başqasına xəsarət yetirməkdə şübhəli bilinərək həbs edilib.///lent.az