94 il əvvəl “Şəki” qəzeti dəmir yolu qəzası barədə belə yazırdı - FOTO

Qəzetlər nəşr olunduğu dövrün yaddaşıdır. Senzura və digər məhdudiyyətlərə rəğmən qəzetlər tarixi faktları özündə saxlayıb gələcək nəsillərə ötürür. Bu günlərdə Şəkidəki Miniatür Muzeydə rast gəldiyim “Şəki Fəhləsi” qəzetinin 1930-cu ilə aid nömrələri məndə maraq oyatdı.

Qəzetin 26 may tarixli 26 saylı nömrəsində Moskvada baş vermiş dəmir yolu qəzası barədə qısa məlumat verilib. Məlumatda deyilir ki, mayın 19-da Moskva-Kazan xəttində yük və sərnişin qatarlarının toqquşması nəticəsində 28 nəfər ölüb, 29 nəfər yaralanıb. Təqsirkarlar həbs edilib, istintaq aparılır.

Müasir oxucuya bir həftə əvvəlin məlumatının dərc edilməsi qəribə görünür. Lakin nəzərə alaq ki, SSRİ-də bu tip xəbərlərin yayılması ümimiyyətlə yolverilməz idi. İnformasiya məhdud şəkildə, həm də günlərlə gecikdirilərək verilirdi.

Vüqar