ABŞ-da uçan taksilərə icazə verildi

ABŞ-ın aviasiya qanunvericiliyində 1940-cı ildən sonra ilk dəfə çox ciddi dəyişiklik edilib. 

Avtosfer.az xəbər verir ki, bu dəyişikliklə uçan taksilərin gələcək fəaliyyətinə icazə verilib. Lakin bu nəqliyyat vasitələri təyyarə deyil, helikopter kimi hərəkət etməlidir, yəni dik enib-qalxma xüsusiyyətinə malik olmalıdır. 
Yeni qaydaya görə,  uçan taksilərdən həm şəhər, həm də kənarda istifadə etmək mümkün olacaq. Onlar eyni zamanda, çatdırılma xidməti də icra edəcək. 
Lakin qanunun dəyişməsi bu nəqliyyat vasitəsinin dərhal kütləviləşməsi anlamına gəlmir. Uçan taksilərin idarə edilməsi üçün pilot hazırlığı tələb edilir. Eyni zamanda, onların şəhərdə istənilən yerə enib-qalxmaq icazəsi də olmayacaq. Bunun üçün şəhərlərdə müvafiq yerlər ayrılmalıdır. Kənd yerlərində isə işin bu tərəfi daha sərbəstdir.

Vüqar