Yaponiyanın ən böyük hava limanı olan Hanedada iyul ayından etibarən özüyeriyən oturacaqlar istifadə olunmağa başlayacaq.

Bu barədə “Kyodo” agentliyi xəbər yayıb.

Özüyeriyən oturacaq sürücüsünü idarəetmə panelində göstərilən lazım olan yerə apara bilər. O, maneələrin qarşısını almağa imkan verən sensorlarla təchiz edilib. Saatda 2,2 km sürətlə hərəkət edən oturacaq insanı ehtiyac duyduğu yerə aparandan sonra avtomatik olaraq öz park yerinə qayıdır.

Bu cür cihazların istifadəsi ilə bağlı təcrübə keçən iyul ayından aparılır və müsbət nəticələr verir. Birinci mərhələdə hava limanının iki terminalında 24 özüyeriyən oturacağın yerləşdirilməsi, lakin daha sonra onların sayının artırılması planlaşdırılır.

Haneda Hava Limanı Tokionun mərkəzindədir, beynəlxalq və çoxsaylı daxili uçuşları qəbul edir.