Aliment, yoxsa sürücülük vəsiqəsi?

İlk baxışdan sual oluna bilər: bu 2 məsələ arasında əlaqə nədədir? Başqa ölkələrin təcrübəsinə nəzər yetirdikdə bu əlaqəni görmək olar. Elə qonşu Rusiyada. 

Avtosfer.az xəbər verir ki, Rusiyada sürücülük hüququnun itirilməsi ilə bağlı qanun pozuntularının siyahısı bizdən daha genişdir. Məsələn, dəmir yolunu keçmə qaydalarını pozan sürücü bir neçə ay piyada gəzməyə məcbur edilə bilər. 
Lakin federasiyada sürücülük hüququnun məhdudlaşdırılmasının avtomobil idarə edilməsi ilə bağlı olmayan halları da var. Bunlardan biri də nə qədər qəribə olsa da, aliment ödənilməməsidir. Məhkəmə icraatatı haqqında qanuna görə, aliment ödənişini gecikdirən, və ya imtina edənlərin sürücülük hüququ məhdudlaşdırıla bilər. 
Ailə məsələləri ilə bağlı daha bir halda da sürücülük vəsiqəsi itirilə bilər. Valideynlər ayrıldığı zaman tərəflərdən biri uşağı digərinə göstərməkdən imtina edərsə, o zaman yenə də sürücülük vəsiqəsi risk altına düşür. 
Bir sözlə, təkcə intizamlı sürücü olmaq Rusiyada sürücülük vəsiqəsinin qorunması anlamına gəlmir.
 

Vüqar Yaşaroğlu