Alimlər Antarktikadakı sirli gölə çatdılar

“SALSA” beynəlxalq layihəsinin bir qrup alimi sirli Merser gölünə çatıb. Avtosfer.az “ölkə.az”a istinadən xəbər verir ki, sirli göl Antarktikada buzların altında, 1 km dərinlikdə yerləşir. Mütəxəssislər bildirirlər ki, Antarktikada yeraltı 400 göl var və onlardan birinin sahəsi 140 kvadrat kilometrdir. Hazırda alimlər tədqiqata başlayıblar. Bu tədqiqat isə Yerin təcrid edilmiş ekosisteminin kimya və biologiyasını öyrənməyə imkan verəcək.

Qeyd edilir ki, alimlər burğu aparatı və qaynar suyun vasitəsilə gölə eniblər. Hazırda alimlər gölün suyunun strukturunu tədqiq etmək üçün xüsusi aparatlar hazırlayırlar. İlkin bir çox analiz orada aparılsa da, bəzi nümunələrin analizi illərlə vaxt apara bilər. Bundan başqa alimlər əsrlər boyu Günəşi görməyən canlı orqanizmləri kəşf edəcəklərinə inanırlar.